بزاڤێن ڤه‌گه‌ڕاندنا گاره بۆ خولا كوردستانێ دهێنه كرن
ئه‌ڤرۆ،
د داخویانیه‌كێ دا ئه‌ندامێ ئێكه‌تیا ته‌پا پێی یا كوردستانێ دیاركر بزاڤێن دهێنه كرن دووباره تیما ته‌پا پێی یا یانه‌یا گاره ڤه‌گه‌ڕیته هه‌ڤڕكیێن پلا ئێكا و ئه‌ڤرۆ دێ كۆمبوونا وان دا گه‌نگه‌شه و بڕیار هێته دان.
زێده‌تر ئازاد محه‌مه‌د بۆ رۆژناما ئه‌ڤرۆ گۆت: تیما گاره سێ یاریێن خوه د خولێ دا بایكۆت كربوو ل گه‌ل هه‌ر ئێك ژ بابان، سێمێل و خانه‌قین ئه‌وا ل دووڤ رێنمایێن ئێكه‌تیا ته‌پا پێی هه‌ر یانه‌كا سێ یاریان خوه‌ڤه‌كێشیت دێ ب فه‌رمی بۆ پلا كێمتر پاشڤه چیت، ئه‌ڤ بڕیاره وه‌كو یاسایه‌كێ ژ هه‌موو یانه‌یان بێ جوداهی د گریت، لێ ل سه‌ر داخوازا به‌رپه‌رسێن وه‌رزشی و پارێزگه‌ها دهۆكێ داخواز و بزاڤێن ڤه‌گه‌ڕاندنا تیما گاره بۆ خولا پلا ئێك هاتیه كرن و ئه‌ڤ بابه‌ته یێ هه‌ستیاره ژبه‌ركو دڤێت هه‌موو ئه‌ندامێن ئێكه‌تیێ رازی بن هه‌تا دووباره ڤه‌گه‌رێت و دڤێت سزایێن تۆند یێن دارایی و هۆشداری ژی بهێنه ده‌ركرن هه‌كه‌ر بڕیارا ڤه‌گه‌ڕاندنا وان هاته كرن ئه‌وا چاڤه‌ڕێ یه ئه‌ڤرۆ كۆمبوونا خوه بكه‌ین و بڕیارا دووماهیێ ژی ئێكلاكه‌ر بیت.
ژلایه‌كێ دووڤه ناڤهاتی دیاركر شه‌مبیا بهێت دێ تاقیكرنێن تیۆری و پراكتیكی بۆ هه‌موو دادڤانێن پلا نایاب و پلا ئێك هێنه كرن وه‌كو ئاپدێته‌ك و هه‌ر دادڤانه‌كێ ب سه‌رنه‌كه‌ڤێت ماڤ نابیت بۆ قۆناغا دویێ پشكداریێ بكه‌ت ئه‌وا بڕیاره پلا نایاب ل 23ێ و پلا ئێك ل 21 یێن ڤێ هه‌یڤێ بهێنه كرن.
