زاخۆ گوهۆڕینین مه‌زن د ناڤ تیمێ دا كرینه
ئه‌ڤرۆ، زاخۆ، عه‌لی حاجی:
د داخویانیه‌كێ دا ئه‌ندامێ كارگێریا یانه‌یا زاخۆ دیاركر هه‌تا نوكه هژماره‌كا به‌رچاڤ یا یاریزانان دوورخستینه و چاڤه‌ڕێ هاتنا دو یاریزانێن پیشه‌كارن.
زێده‌تر دلژار عه‌دنان: پشتی ده‌رگه‌هێ ڤه‌گۆهاستێن زڤستانێ هاتیه ڤه‌كرن هه‌رزوو كارگێریا یانێ لژنه‌ك پێكئینا ژبۆ گوهۆڕین و ئینانا چه‌ند یاریزانێن تیما مه یا ته‌پا پێی ئه‌وا پشكدار د خولا پلا نایابا ئیراقێ دا، ده‌رئه‌نجامێ ڤێ پێنگاڤێ هه‌تا نوكه 10 یاریزان ژ تیمێ هاتینه دوورخستن و گرێبه‌ست ل گه‌ل نه‌ه یاریزانێن دی هاتینه ئیمزاكرن شه‌ش ژ وانا پیشه‌كارن و سێ ژ یانه‌یێن دی یێن ئیراقێ هاتینه، سه‌رباری گرێبه‌ست ل گه‌ل پیشه‌كار عومه‌ر مه‌نسۆر گرێدایه لێ هه‌تا نوكه نه‌بوویه فه‌رمی و چاڤه‌ڕێ نڤێسارا ده‌ست به‌ردابوونێ ژ یانه‌یا وی نه، ژلایه‌كێ دووڤه ئه‌ڤرۆ هه‌تا سوبه‌هی دو یاریزانێن ره‌كه‌ز ئوردنی دێ هێنه زاخۆ.
ناڤهاتی ئه‌وچه‌نده ژی گۆت: ده‌رگه‌هێ ڤه‌گۆهاستنا یاریزانان نه هاتیه گرتن له‌وما هه‌ر ده‌مێ هنده‌ك یاریزانێن باشتر هه‌بن و ل دووڤ داخوازا كادرێ راهێنانێ دێ ده‌ستبه‌رداری هنده‌كێن دی بین، وه‌كو كارگێریا یانێ ئه‌م ژ ئاستێ سێ یاریزانێن دیتر د رازی نینن لێ دێ چاڤه‌ڕێ بن هه‌كه یاریزانێن باشتر هه‌بن دێ گرێبه‌ستێ ل گه‌ل ئیمزاكه‌ین و گرێبه‌ستا یێن ئه‌م ژێ نه رازی هێته هه‌لوه‌شاندن.
