د سالا بۆریدا 10 هزار كهس دووباره ژ شنگال هاتینه كهمپان
دهۆك، لهزگین جوقی
رێڤهبهرێ كۆچ و كوچبهران و بهرسڤدانا قهیرانا ل پارێزگهها دهۆكێ راگههاند، ب تنێ ل سالا 2022ێ دا 10 هزار و 700 كهس دووباره ژ شنگال ئاوارهیێ ناڤ كهمپان بووینه. نوكه ئامارهك یا دهێته كرن بۆ تۆماركرنا ناڤێن وان ئاواران یێن حهز بكهن ڤهگهرنه شنگال.
پیر دهیان جهعفهر، رێڤهبهرێ كۆچ و كۆچبهران و بهرسڤدانا قهیرانا ل پارێزگهها دهۆكێ دیار كر: ل كهمپا بێرسڤی و كهمپا شاریا دهست ب تۆماركرنا ناڤێن ئاواران هاتیه كرن، ههتا نوكه ب تنێ دۆرین 500 خێزانان ناڤێن خۆ بۆ ڤهگهراندنا شنگال تۆماركرینه و ل سالا 2022ێ ب تایبهتی ژی ل ههیڤا پێنچ، 10 هزار و 700 كهس یێن زڤرینا شنگال دووباره ژ شنگال ئاواره بوون.
زێدهتر گۆت: چو رێگری ل ڤهگهراندنا ئاواران ناهێنه كرن، ههر رێكخراوهك یان لایهنهك بێژیت ریگری ل ئاواران بۆ ڤهگهراندنێ دهێته كرن، ئهم رهد دكهین و چو راستی بۆ نینه. ئاواره د ئازادن بۆ زڤرینا سهر مالێن خۆ، لێ ئاواران نهڤێت ڤهگهرن، ژ بهر كو رهوشا دهڤهرێن وان نهیا سهقامگیره، ب تایبهتی ژی شنگال ئهو ئاوارێن بهری چهند سالان ژی زڤرینه سهر مالێن خۆ ل شنگال، پتریا وان دووباره ئاواره بووینه و نهشیاینه دناڤ شنگالدا بژین”.
ئاماژه دا وێ چهندی ژی: “ژبهر نهبوونا خزمهتگوزاریان و تهناهیێ ههتا نوكه ژی گهلهك خێزانێن چووینه شنگال زارۆكێن وان یێن هاتینه رهڤاندن و بێ سهروشینكرن ژلایێ گرۆپێن نهقانوونی ڤه، لهورا ژی ئاواره ماینه دناڤ كهمپاندا و نهشیاینه ڤهگهرن. ههروهسا خزمهتگوزاری نینن و خهلك چاڤهرێ حكومهتا عیراقێ دكهن بۆ قهرهبووكرنێ، ههتا نوكه خهلكێ زهرهرمهند نههاتینه قهرهبووكرن”.
رێڤهبهرێ كۆچ و كۆچبهران و بهرسڤدانا قهیرانا ل پارێزگهها دهۆكێ گۆت: ههموو ئاسانكاری بۆ ڤهگهراندنا ئاواران ژلایێ مهڤه دهێنه كرن، ههر ئاوارهیهكێ بڤێت ڤهگهریت و داخوازیا خۆ پێشكێشی مه بكهت، ئهم ههموو ئاسانكاریان بۆ وی ئهنجام ددهین، لێ خهلكی ژیانا كهمپان ههلبژارتیه و نهڤێن بچنه دناڤ رهوشا خرابا شنگالدا.
ئیڤان فایهق، وهزیرا كۆچ و كۆچبهرێن عیراقێ ژی دبێژیت:” حكومهتا عێراقی د پلانێن خۆدا بۆ سالا 2023ێ بریار دایه كهمپێن تایبهت ب ئاواران ڤه د ماوهیێ شهش ههیڤان دا بهێنه دائێخستن و ئاواره ڤهگهرنه سهر مالێن خۆ، ئهڤه ب تنێ كارێ وهزارهتا كۆچ و كۆچبهران نینه و پێدڤیه ههموو لایهنێن پهیوهندیدار كار بكهن بۆ ڤهگهراندنا ئاواران”.
