قوتابیێن زیندانكری كرێیا خواندنێ نادهن
ههولێر، سولین سلێمان:
وهزیرێ خواندنا بلند و ڤهكۆلینێن زانستی خویا كر، وان ههموو زانكۆ و پهیمانگههێن حكومی و نهحكومی ئاگههداركرینه، كو كرێیا خواندنێ ژ وان قوتابیان وهرنهگرن یێن د زیندانان ڤه.
ئارام محهمهد، وهزیرێ خواندنا بلند و ڤهكۆلینێن زانستی بۆ رۆژناما ئهڤرۆ گۆت: “مه بڕیار دایه، ب رێژا 100% كرێیا خواندنێ ژ وان قوتابیان نههێته وهرگرتن یێن د چاكسازیان ڤه و بهردهوامیێ ژی ب خواندنا خوه ددهن”.
گۆتژی: “مه رهوشا وان قوتابیان یێن رهوشا وان یا دارایی نهباش و د چاكسازیان ڤه بهردهوامیێ ب خواندنێ ددهن، ل بهرچاڤ گرتیه، لهو مه ب رێیا نڤیسارهكێ ههموو زانكۆ و پهیمانگههێن حكومی و ئههلی ئاگههداركرینه، كو ل گهل ڤان جۆره قوتابیان د هاریكار بن، داكو بشێن خواندنا خوه ب سهركهفتیانه تمام بكهن”.
