ده‌ست ب به‌لاڤكرنا قه‌رێن چاندنێ هاتیه كرن
هه‌ولێر، قائید میرۆ:
به‌رپرسه‌كێ وه‌زاره‌تا چاندنێ دیار كر، پشتی به‌لاڤكرنا فۆرمێن قه‌ڕێن چاندنێ زێده‌تری 400 جۆتیار و خودان پڕۆژه‌یان فۆرمێن وه‌رگرتنا قه‌ڕێ چاندنێ ڤه‌گه‌ڕاندینه و دبێژیت: هاریكاریێن حوكمه‌تێ بۆ جۆتیاران دێ د به‌رده‌وام بن.
هیوا عه‌لی، رێڤه‌به‌رێ راگه‌هاندنا وه‌زاره‌تا چاندنێ بۆ رۆژناما ئه‌ڤرۆ دیار كر، هه‌تا نوكه زێده‌تری 400 جۆتیار و خوه‌دی پڕۆژه‌یێن چاندنێ فۆرمێن وه‌رگرتنا قه‌ڕێ چاندنێ ڤه‌گه‌ڕاندینه و گۆت: “ده‌ست ب به‌لاڤكرنا قه‌ڕێن چاندنێ ل سه‌ر جۆتیاران هاتیه كرن كو 15 ملیۆن دیناران هه‌تا 100 ملیۆن دینارانه، پێدڤیه د ده‌مێ پێنج سالان ژی قه‌رێ چاندنێ بهێته ڤه‌گه‌ڕاندن، دیاركرنا رێژا دانا قه‌ڕێ چاندنێ ل گوره‌ی پڕۆژه‌ی ڤه‌دگه‌ڕیت پڕۆژه چه‌ندێ مه‌زن بیت قه‌ڕێ زێده‌تر ب جۆتیاری دێ هێته‌دان”.
هیوا عه‌لی گۆتژی: “دانا قه‌ڕێن چاندنێ بۆ جۆتیاران د چوارچوڤێ ئه‌ڤێ پشته‌ڤانیا حوكمه‌تا هه‌رێما كوردستانێ یه بۆ ته‌خا جۆتیاران و حوكمه‌ت ل سه‌ر هاریكاریێن خوه بۆ جۆتیاران دێ یا به‌رده‌وام بیت، چونكی سالێن بۆری ژی چه‌ندین جۆرێن قه‌ر و پێشینه‌یێن چاندنێ بۆ جۆتیاران و كه‌رتێ چاندنێ هه‌بوون و هه‌ژماره‌كا زۆرا وه‌لاتیان ژی ژ هاریكاریێن چاندنێ مفادار بووینه”.
