100 بیرێن ئاڤێ بۆ ئاڤدانا دهخل و دانێ جۆتیاران دێ هێنه كۆلان
دهۆك،لهزگین جوقی:
رێڤهبهرێ گشتی یێ چاندنێ ل پارێزگهها دهۆكێ دیار كر، ب مهرهما ئاڤدانا دهخل و دانێ جۆتیاران، رازیبوون ل سهر كۆلانا 100 بیرێن ئاڤێ ل سنوورێ پارێزگهها دهۆكێ هاته كرن.
ئهحمهد جهمیل، رێڤهبهرێ گشتی یێ چاندنێ ل پارێزگهها دهۆكێ بۆ رۆژناما ئهڤرۆ خویا كر، ئهڤ ساله ل پارێزگهها دهۆكێ رووبهرێ 700 هزار دۆنهمێن ئهردی ب دهرامهتێ دهخل و دانی یێن هاتینه چاندن، لێ ژ ئهگهرێ گیرۆبوونا بارینا بارانێ، جۆتیار نهچارن دهخل و دانێ خوه ئاڤ بدهن، بۆ ڤێ مهرهمێ ژی رازیبوون ل سهر كۆلانا 100 بیرێن ئاڤێ بۆ ئاڤدانا دهخل و دانێ جۆتیاران هاتیه كرن، داكو دهرامهتێ وان ژ هشكهسالیێ بهێته پاراستن.
ئهحمهد جهمیل گۆت: “نوكه ل پتریا دهڤهران جۆتیار دهخل و دانێ خوه ئاڤ ددهن، هندهك دهڤهر ههنه، وهكو: دهڤهرا باتێل سهر ب دهڤهرداریا سێمێلێ ڤه و بهردهڕهش رهوشا دهخل و دانی ل وان دهڤهران، ژ ئهگهرێ گیرۆبوونا بارینا بارانێ یا باش نینه”.