مەكتەبا سیاسیا پارتی٧٠ سالیا دامەزراندنا ئێكەتیا قوتابیێن كوردستانێ پیرۆز دكەت
ئەڤرۆ
مەكتەبا سیاسی یا پارتی دیموكراتی كوردستان ب هەلكەفتا 70ێ سالیا دامەزراندنا رێكخراوا ئێكەتیا قوتابیێن كوردستانێ برۆسكەكا پیرۆزباهیێ بەلاڤ كر و تێدا هاتیە: ب هەلكەفتا دامەزراندنا ئێكەتیا قوتابیێن كوردستانێ پیرۆزباهیان ل هەوە و هەموو كادر و ئەندامێن رێكخراوێ و هەموو قوتابیێن كوردستانێ دكەین، ڤێ رێكخراوا تێكۆشەر، كو بەری 70ێ سالان ب بڕیار و رێنمایێن بارزانیێ نەمر و پارتی دیموكراتی كوردستان ل 18/2/1953 هاتە دامەزراندن، دەستكەفتەكێ دی یێ گرنگ و لڤنێن رزگاریخوازێن مللەتێ مە، هەروەسا ئێكەمین سەكۆیێ رێكخراوێن پیشەیی یێ قوتابیانە د دیرۆكا دێرین و نوو دا.
ئاشكرا ژی كریە كو ئێكەتیا قوتابیێن كوردستانێ، رێكخراوەكا گرنگە د ناڤ بزاڤا رێكخراوێن جڤاكێ مە دا، ژ بەرهندێ قوتابیان رۆلەكێ كاریگەر د پێشكەفتن و گوهۆڕین و پێشڤەبرنا وەلات و جڤاكی دا هەیە، دیسا رۆل و سەنگا ئێكەتیا قوتابیێن كوردستانێ د هەموو رەوشان دا یا گرنگ و هەستیاربوو، هەموو دەمان هێزەكا جڤاكی و مەدەنی بوو ل پێناڤ زەحمەتێن پرۆسا پێگەهاندن و هشیاركرنێ د زانینێ دا.
مەكتەیا سیاسی یا پارتی دیار ژی كریە كو ئێكەتیا قوتابیێن كوردستانێ وەك نوونەرا راستەقینە یا قوتابیان، ب بەرپرسانە داكوكی ل داخوازیێن هەموو قوتابیان كریە و پشتەڤانا داخوازیێن رەوایێن وان بوویە.
دیسا د برۆسكا مەكتەبا سیاسی دا هاتیە: «هیڤیخوازین ژ نوكە و وێڤە ب گیانێ بەرپرسیارەتی و دلسوزانە بەردەوام بن د نوونەراتیكرنا هەموو قوتابیێن كوردستانێ دا، دیسا پشتەڤانیا خوە بۆ هەموو قوتابێن كوردستانێ و داخوازیێن هەوە دووبارە دكەین، دخوازین هەردەم دا ئاست و وێ پەیاما پیرۆز دابن و دەستكەفتێن زێدەتر بۆ قوتابیان بجهـ بینن».
