رێكێن هەژمارەكا گوندێن بامەڕنێ دهێنە چێكرن
ئەڤرۆ
ئامێدیێ، مەحمود نهێلی:
رێكێن ناڤخوە یێن هەژمارەكا گوندێن سنوورێ ناوچەداریا بامەرنێ دهێنە چێكرن و پارێ پێدڤی بۆ هاتیە تەرخانكرن و نوكە رێكێن هندەك ژ وان گوندان دهێنە بجهئینان.
میران عەبدولرەحمان، رێڤەبەرا ناوچەداریا بامەرنێ بۆ رۆژناما ئەڤرۆ دیار كر، پڕۆژەیێ چێكرنا رێكێن ناڤخوە ل ناوچەداریا بامەرنێ، هەروەسا هەژمارەكا گوندێن وێ ناوچەداریێ نها دهێنە بجهئینان و گۆت: «نێزیكی 600 ملیۆن دیناران بۆ هاتینە تەرخانكرن، پێك دهێن ژ پڕۆژەیێ چێكرن و قێركرنا رێكێن ناڤخوە ل سەنتەرێ ناوچەداریا بامەرنێ ب گوژمێ 186 ملیۆن دیناران و قێركرن، دیسا رێكێن ناڤخوە ل گوندێ كانیكا و زێوا شێخموس و غلبیشكێ و ئەرەدنا كریستیانان و هەژمارەكا دی یا گوندان دێ هێنە چێكرن و دۆرێن 400 ملیۆن دیناران بۆ بجهئینانا وان هاتینە تەرخانكرن».
رێڤەبەرا ناوچەداریا بامەرنێ ئاشكرا ژی كر، نوكە ژ بەر سەقای و سەرما و باران و بەفرێ، كار د چێكرنا وان رێكان دا هاتیە راوەستاندن و گۆت: «ل گەل خوەشبوونا سەقای دەست ب چێكرنا وان پڕۆژەیان دێ هێتە كرن و كەڤنە د خزمەتا وەلاتیان دا».
