فەرەنسا و ئەلمانیا دێ هاریكاریا ئاڤەدانكرنا شنگال كەن
ئەڤرۆ
لەزگین جوقی
ئەندامەكێ جڤاتا نوونەرێن عیراقێ دیار كر:” فەرەنسا و ئەلمانیا سوز داینە هاریكاریا ئاڤەدانیا شنگال بكەن، ئەڤ سالە بۆدجەیا 2023ێ دا دێ عێراق ژی پارەكێ باش بۆ ئاڤەدانیا شنگال تەرخان كەت”.
مەحما خەلیل، ئەندامێ جڤاتا نوونەرێن عیراقێ دیار كر:” شنگال دێ ژ گەندەلیا ئیدارا نەینەوا قورتال بیت و دێ شنگال هێتە ئاڤەدانكرن، نوكە ل جڤاتا نوونەرێن عیراقێ گەلەك رژدی كار ل سەر دابینكرنا تەناهیێ ل شنگال و ئاڤەدانی و زڤرینا ئاواران دهێتە كرن. چاڤەرێیا خەلكێ زەرەرمەند یێ شنگال بهێتە قەرەبوو كرن و ئاڤەدانی دەست پێ بكەت بۆ زڤرینا ژیانێ ل شنگال و خەلك قەستا سەر مال و حالێ خۆ بكەن و حۆكمەتا هەرێما كوردستانێ هەموو هەولا ددەت بۆ باشكرنا رەوشا شنگال و ئاڤەدانیێ“.
ئاشكەرا كر:” سەرۆكێ پەرلەمانێ عیراقێ ژی بەرهەڤیا خۆ نیشا دایە پارەكی بۆ ئاڤەدانیا شنگال تەرخان بكەت، نوكە هەموو پلان ئەون شنگال بهێتە ئاڤەدانكرن و ئاوارە ڤەگەرنە سەر جهێن خۆ و دێ دەولەتێن جیهانێ ژی پشتەڤانیا ئاواران كەن”.
گۆت ژی:” داخوازا ئەنجامدانا پرۆژەیێن ستراتیجی بۆ شنگال ژ وەزێری پلاندانا عیراقێ هاتینە كرن دگەل وەزیرا كوچ و كوچبەرێن عیراقێ و داخوازا مادی و مەعنەوی بۆ زڤرینا ئاوارێن شنگال هاتە كرن و گرۆپێن چەكدار دناڤ شنگالدا نەمینن”.
تەكەستكر كو بۆ پشتەڤانیا ئاواران و زڤرینا وان بۆ شنگال چەند داخوازی ژ وەزارەتا كۆچ و كوچبەرێن عیراقێ هاتنە كرن، ژ وانا ژی داخوازا هاریكاریا مادی و مەعنەوی بۆ خەلكێ شنگال هاتە كرن و پشتەڤانیا ئاواران بهێتە كرن بۆ زڤرینا شنگال و گازا سپی ل سەر ئاواران بهێتە بەلاڤكرن.
