هاڤێتنا گلێشی ل دەوروبەرێن شكەرۆی بوویە دیاردە
ئەڤرۆ
سالار محەمەد
هاڤێتنا گێلشی ل دەوروبەرێن رووبارێ هشكەرووی بوویە دیاردە و ڤێ چەندێ ژی دلگرانی بۆ وەلاتیان دروستكریە. هەلبژێرێ تاخی ئاشكرادكەت، حۆكمەتێ پێنگاڤ د ڤی بیاڤی دا هاڤێتینە، لێ هندەك ژ وەلاتیان نە دهاریكارن.
وەلاتیێن تاخێ رەزا ئاشكرا دكەن، ل سالا بوری حوكمەت رابوویە ب دروستكرنا سیمەكی بۆ پاراستنا وەلاتیان ژ ئاڤ رابوونێ ل هنداف رووبارێ هشكە روو، دیسا بۆ پاراستنا رووباری ژ گێلشی، لێ ب مخابنی ڤە ئەو رووبار بوویە جهێ كومكرنا گلێشی یا هژمارەكا وەلاتیان و ئەڤە دەمەكی دایە كارمەندێن پاقژكرنێ بەردەوام دهێنە سەر رووباری بۆ پاقژكرنێ.
هەمان وەلاتی ئەو ژ گۆت: مە پێدڤی ب كارمەندێن پاقژكرنێ هەیە زێدەتر لێ بهێن، چونكە مانا وی گێشلی ل دەردورێن رووباری دێ بیتە ئەگەرێ هندێ ل وەرزێ بوهارێ گەلەك بهێن بكەڤیتە دەڤەرێ و ئێدی خەلك نەشێت ل مالێن خوە دا ڤەحەویت و دیسا دیمەنەكێ نەجوان دایە ژینگەها تاخی و ئێدی هەست ب كێماسیێ و نەخوشیان دكەن.
هەمان وەلاتیان ئەو ژی ئاشكرا كر، پرەك ل دناڤبەرا هەر دو لایێن رووباری دا هەیە و ئەو هاتن و چوونا هەمی وەلاتیێن تاخی یە و دیسا ب سەدان قوتابیان بۆ قوتابخانێ تێدا دەربازبن و ڤی گێشلی مەترسی ل سەر ژیانا وەلاتیان ب گشتی دروست كریە و زێدەبوونا ئێش و پیساتیێ و دێ بیتە ئەگەرێ گرتنا ئاڤێ ل دەمێ بارانان و ئاڤ رابن و بیتە مەترسی ل سەر ژیانا قوتابیان.
هەلبژێرێ تاخێ رەزا، ئەیوب سەرگەلی ل دور بابەتی گۆت: دڤێت رەوشەنبیری بۆ وەلاتیان دروست بیت، چونكە حوكمەتێ پێنگاڤێن باش هاڤێتی نە وەك دروستكرنا سیمەكی بۆ پاراستنا گیانێ خەلكێ مە و دیسا وەك پەرژان بۆ نەهاڤێتنا بەرمایكان و گێلشی بۆ ناف رووبارێ هشكەروو و ئەڤە دبیتە ئەگەرێ پیسبوونا رووباری و ژینگەهێ ب گشتی و دیسا كارتێكرنێ ل وەرزێ هاڤینێ دكەت و گەلەك جاران بهێن دهێت و دبیتە ئەگەرێ بەلاڤبوونا ئێش و نەخۆشیان و سەرەرایی نە جوانی و شارستانیا تاخێ رەزا.
ناڤبری گۆت: پێشنیاز دكەین حوكمەتا هەرێما كوردستانێ گرنگیێ ب چاكرنا ڤی رووباری بدەت ژ روویێ پاقژیێ و پاراستنێ، چونكە نە ب تنێ ل تاخێ رەزا، بەلكو ل هەموو باژێری ئەو مالێن دكەڤنە سەر رووباری كارتێكرنا خوە هەیە ل وەرزێ زڤستانێ لافاو دروست بن و ل وەرزێ هاڤینێ ئێش و نەخشی و بهێن دهێن.
