شەش قوتابخانە ل ئاكرێ دێ هێنە ئاڤاكرن
ئەڤرۆ
ئاكرێ، رەمەزان زەكەریا:
بۆ پتر گرنگیدان ب كەرتێ پەروەردێ، حوكمەتا هەرێما كورستانێ بڕیار دایە شەش قوتابخانە ل سنوورێ دەڤەرداریا ئاكرێ بهێنە ئاڤاكرن و قوتابخانەك ژی بهێتە نووژەنكرن و ئەو قوتابخانە ژی دكەڤنە گوندێن سەر ب دەڤەرداریێ ڤە.
شەعبان خەلیل بەرواری، دەڤەردارێ ئاكرێ ب وەكالەت بۆ ئەڤرۆ گۆت: «د بەردەوامیا كاروانێ ئاڤەدانكرنێ و پڕۆژێن خزمەتگوزاری دا ل سنوورێ دەڤەرا ئاكرێ، كۆمەكا پڕۆژێن نوو د بیاڤێ كەرتێ پەروەردێ دا دێ هێنە بجهئینان و مفایەكێ زۆر گەهیننە پرۆسا پەروەردە و فێركرنێ ل دەڤەرێ«.
ناڤهاتی گۆتژی: «ئەو قوتابخانە سێ رێزی و چار رێزی نە و ل گوندێن: بەرۆژزاوا، شكەفتا مغارا، ئیسماوا، سەرسۆل، مێركاوا و مێركێ دێ هێنە ئاڤاكرن، دیسا قوتابخانا گوندێ كانیحەلان ژی دێ هێتە نووژەنكرن».
