ئەڤرۆ 44 سال ل سەر مالئاڤاییا بارزانیێ نەمر دەرباز دبن
ئەڤرۆ
ئاكرێ، رەمەزان زەكەریا:
هەر سال ل رۆژا ئێكێ ئادارێ هەڤدەمە ل گەل رۆژا وەغەركرنا بارزانیێ نەمر، كو ئەڤرۆ 44 سال دەرباز دبن، بارزانیێ نەمر ل رۆژا 14/3/1903 هاتیە سەر دونیایێ و ل رۆژا 1/3/1979 مالئاڤایی كریە.
سالانە ل رۆژا ئێكێ ئادارێ تەخ و چینێن جودا ل سەر ئاستێ كوردستانێ و ئیراقێ سەردانا مەزارێ نەمران دكەن ل بارزان و ژ لایێ شێخ خەلات بارزانی، نوونەرێ سەرۆك بارزانی ل سەر مەزارێ نەمران دهێنە پێشوازیكرن.
د سالا بۆری دا ژ بەر ڤایرۆسێ كۆرۆنایێ سەردانا ب كۆم یا جەماوەرێ كوردستانێ و ئیراقێ و هەرچار پارچێن كوردستانێ و جیهانێ ل رۆژائێكێ ئادارێ هاتبوو راوەستاندن.
هەموو تەخ و چین ب بەرنامە سەردانا مەزارێ نەمران دكەن بۆ نووكرنا سۆز و پەیمانا خوە بۆ رێبازا پیرۆزا بارزانیێ نەمر و كاك ئدریسێ هەردەم ساخ.
