دەنگێ چیا
خورشید تەوفیق باكۆزی
هەكو ل ژانێن ڕۆژێ
خوین ژدەهمەنێن چیا
دلەهی و كەڤی ئاگر ..
باڕۆڤێ ئاخ دهەلمژی و
ڕۆژێ رۆنیا خوە دهنگافت و
كراسێ شەڤ ڕەبەنا ل بەژناخوە دكر
سینگێ گوڤەندی قەلغان بوو ..
شرین شوڕها شۆڕشگێرا و
شرین كەلها عەگیدا بوو ..
سوارێ هەسپێ ئازادیێ
ل گاخ و مەیدانا چارچرا
مەشخەلەكێ نوو هەلكربوو
شەنگستەیێ پارتی و
رێبازێ دانا بوو ..
ڤێ رێبازێ دكوكا خوەدا جانگۆری و
شەیدایێن ئاخێ دئافراندن ..
ئەڤ رێبازە قیبلەگەها
شەیدایێن بەژنا ئازادیێ و
قیبلەگەها جانگۆریا بوو ..
سوارێ هەسپێ ئازادیێ
ژدەنگڤەدانا دەنگێ چیا
دەنگێ رۆكێتا ئازادیێ و
دەنگێ گولەیا بەرخوەدانێ
ل ئەنیا پیرسی و سەفینی
ل ئانیا زۆزك و هندرینی
ل داستانا گەرما مەتینی
ل هەموو چیا
ل كۆسكا شێرا ل كۆسكا مێرا
دەنگڤەدا بوو ..
ئەڤ سوارە ئەڤ سەركێش و
قارەمانێ چەرخێ بیستێ
روحاچاخی و
مەزنترین كاریزمابوو .
هێمایەكە ..
ڤی هێمایێ ئاراس بڕی
ڤی هێمایێ ئالا و پرچەم
ئالا شەهیدێ پێشەوا
ئالا (قازی) ل بەژنا ڕۆژێ بلندكری ..
ڤی هێمایێ
گوڕیا چەند شۆڕشێن مەزن
دناڤ دلێ مەدا هەلكری
هێمایێ شەر و شەڕگەها و
هێمایێ مەزنترین داستانا بوو ..
ئەڤ هێمایە …
ئەڤ ڕۆژ و ئەلند و چیایە
سەركێشێ كاروانێ مەزن
بابێ روحی(بارزانی) یە
ددلێ چیادا سەر هلدای ..
هۆ شەیدایێ كوردینیێ و
پارێزڤانێ خاكا پیرۆز
هۆ ئەوكەسێ تە ئازادی ژدل ڤیای
تەپیرۆزبیتن ئەڤ ڕۆژ
ڕۆژا گەشە
دناڤ ئاسمانێ ئازادیێ دا
شەفەق یادای
شەفەق یادای.
