پارێزگارێ دهۆكێ: بـەردەوام دێ پشتەڤانیا كەرتـێ پـەروەردەیێ كـەین
د. عەلی تەتەر، پارێزگارێ دهۆكێ دوهی 5/8/2026 پێشوازی ل ڕێڤەبەرێن گشتی و یێن پەروەردێن هەموو دەڤەرداریێن دهۆكێ و پەروەردەیا شنگال و تلكێفێ كر و د ڕوونشتنەكێ دا بەحسێ ئامادەكاریێن وەرزێ نوو یێ خواندنێ و دابینكرنا پێدڤیێن قۆتابخانەیان و بەردەوامییا پێشكێشكرنا پڕۆژەیێن پێشئێخستنا كەرتێ پەروەردەیێ یێن ئاڤاكرن و سەخبێركرنا ئاڤاهیێن سەر ب پەروەردەیێن ناڤبری ڤە هاتە كرن.
پارێزگارێ دهۆكێ دەستخۆشی ل ڕێڤەبەرێن پەروەردە و قوتابخانەیان و مامۆستایێن ل سنۆرێ پارێزگەها دهۆكێ كر بۆ پێشكێشكرنا ئاستێ بلندێ پێگەهاندن و فێركرنا قوتابیان، ب تایبەت پشكداری و سەركەفتنا هەژمارەكا مامۆستایان د پڕۆژەیێ وەزارەتا پەروەردێ یێ هەلسەنگاندنا كار و بزاڤ و شیانێن مامۆستایان، كو ڕێزبەندیێن ئێكێ و پێشیێ ب دەستخۆڤە ئینان و دوپاتی ل پشتەڤانیا بەردەوام بۆ كەرتێ پەروەردێ كر.
