ل نێزیك كاروانەكێ دی یێ هاریكاریان بۆ لێقەومیێن بیڤەلەرزێ دێ هێتە هنارتن
ئەڤرۆ
ب مەرەما هایداربوون ل سەر وان هاریكاریێن ژ لایێ وەلاتیێن پارێزگەهێ ڤە بۆ لێقەومیێن بیڤەلەرزا باكوور و رۆژئاڤایێ كوردستانێ و وەلاتێن توركیا و سووریی هاتینە كۆمكرن و دهێنە نارتن دوهی سپێدێ 12/3/2023 د. عەلی تەتەر، پارێزگارێ دهۆكێ سەرا عمبارێن تایبەت ب كۆمكرنا هاریكاریان بۆ لێقەومیێن بیڤەلەرزێ ل دەڤەرا سێجێ ل سنوورێ دەڤەرداریا سێمێلێ دا و ژ لایێ پیردەیان جەعفەر، رێڤەبەرێ كۆچ و كۆچبەران و بەرسڤدانا قەیرانان و وەحید ئەترووشی، بەرپرسێ دەزگەهێ خێرخوازیێ بارزانی ل پارێزگەها دهۆكێ پێشوازی لێ هاتە كرن.
پارێزگارێ دهۆكێ ژ نێزیك سەحكرە ئەو هاریكاری و كەلوپەلێن هاتینە كۆمكرن و دهێنە بەرهەڤكرن، كو بۆ لێقەومیێن بیڤەلەرزا باكوور و رۆژئاڤایێ كوردستانێ بهێنە هنارتن.
پارێزگارێ دهۆكێ د كۆنگرەكێ رۆژنامەڤانی دا دیار كر كو چەندین رۆژن رێڤەبەریا كۆچ و كۆچبەران ب هەڤكاری ل گەل دەزگەهێ خێرخوازیێ بارزانی بەرهەڤیا دكەن بۆ هنارتنا كاروانەكێ دی یێ هاریكاریان بۆ لێقەومیێن بیڤەلەرزێ و گۆت: «ئەڤ هاریكاریە پێك هاتینە ژ كەلوپەلێن خوارنێ و جلكان و پێدڤیێن ژیانێ، ل ڤان رۆژان كاروانەكێ دی یێ پێك هاتی ژ 10 بارهەلگران دێ هێنە رەوانەكرن و ئەڤە نەكاروانێ ئێكێ و دووماهیێ یە، بەلكو ل دووڤ پێدڤیێن خەلكێ زیاندار هاریكاری دێ بۆ هێنە هنارتن».
