بازارەكێ تایبەت ل شەڤێن هەیڤا رەمەزانا پیرۆز ل دهۆكێ هاتە ڤەكرن
ئەڤرۆ
وەلاتیان د مەها رەمەزانا پیرۆز دا، ل تێرمینالا دهۆكێ یا نێڤدەولەتی بازارەكێ تایبەت ب شەڤێن رەمەزانێ هاتە ڤەكرن، دیسا ب مەرەما رێگریكرن ل گرانبوونا بهایێ كەرەستەیێن خوارن و ڤەخوارنێ و نەهێلانا پاوانكاریێ د بازاری دا، لژنەیێن هەموو دەڤەرداریێن سەر ب پارێزگەها دهۆكێ ڤە بەردەوام د مەها رەمەزانێ دا دێ دووڤچوونا بازاری دكەن.
ل ژێر چاڤدێریا د. عەلی تەتەر، پارێزگارێ دهۆكێ ل رۆژا 24/3/2023 ب بەرهەڤبوونا د عەلی تەتەر، پارێزگارێ دهۆكێ و گوهدار شێخۆ، سەرپەرشتێ ئیدارەیا سەربخوە یا زاخۆ و هەژمارەكا مەزن یا وەلاتی و گەشتیاران بازارێ تایبەت ل شەڤێن مەها رەمەزانا پیرۆز ب شێوەیەكێ فەرمی ژ لایێ رێڤەبەریا گشتی یا گەشتوگوزارێ ل پارێزگەها دهۆكێ ب هەماهەنگی ل گەل تێرمینالا دهۆكێ یا نێڤدەولەتی ل تێرمینالا ناڤهاتی ل تەناهیێ هاتە ڤەكرن.
دیسا هەر ب مەرەما خزمەتكرنا وەلاتیان د مەها رەمەزانێ دا و رێگریكرن ل گرانبوونا بهایێ كەرەستەیێن خوارن و ڤەخوارنێ و نەهێلانا پاوانكاریێ د بازاری دا، لژنەیێن هەموو دەڤەرداریێن سەر ب پارێزگەها دهۆكێ ڤە بەردەوام د مەها رەمەزانێ دا دێ دووڤچوونا بازاری دكەن.
