پشتی جەژنێ بودجەیا گشتی یا ئیراقێ دێ هێتە پەسەندكرن
پەرلەمانتارەكا پارتی ل پەرلەمانێ ئیراقێ ئاشكرا كر، پەسەندكرنا پڕۆژەقانوونا بودجا گشتی یا ئیراقێ دێ كەڤیتە پشتی جەژنا رەمەزانێ و چەندین خال د بەرژەوەندیا هەرێما كوردستانێ دا د ناڤا قانوونا بودجەیی دا هەنە.
یادگار مەحموود، پەرلەمانتارا فڕاكسیۆنا پارتی ل پەرلەمانێ ئیراقێ بۆ ئاژانسا خانی دیار كر، بڕیارە ل چەند رۆژێن بهێن پەرلەمان دەست ب خواندنا پڕۆژەقانوونا بودجەیا گشتی یا ئیراقێ بۆ سالا 2023 بكەت و پێشبینی دهێتە كرن بۆ دەمێ هەیڤەكێ دانوستاندن ل سەر پڕۆژەقانوونا بودجەیێ بەردەوام بن و پشتی جەژنا رەمەزانێ بودجە ژ لایێ پەرلەمانێ ئیراقێ ڤە دێ هێتە پەسەندكرن.
ناڤهاتییێ گۆت: «خالێن باش بۆ هەرێما كوردستانێ د ناڤا پڕۆژە قانوونا بودجەیا ئیراقێ دا هەنە و بەری پڕۆژە بهێتە پەرلەمانی رێككەفتنا سیاسی ل سەر هاتییە كرن و هەر دەمێ وەك خوە بهێتە پەسەندكرن ئەڤە بێگومان دێ د بەرژەوەندیا وەلاتیێن هەرێما كوردستانێ دا بیت و شایستەیێن خەلكێ كوردستانێ ل دووڤ دەستووری و قانوونێ دێ هێنە مەزاختن».
