پتریا گەنجێن پشكداری خولێن لاوان دبن دەرچوویێن پەیمانگەهـ و زانكۆیانە
ئەڤرۆ
رەمەزان زەكەریا
ل سنوورێ ناوەندا وەرزش و لاوان ل ئاكرێ هژمارەكا بەرچاڤ یا گەنجان هەنە و ب بەردەوامی پشكداری وان خولا دكەن یێن ژلایێ ناوەندا ناڤبری ڤە دهێنە ڤەكرن ب مەبەستا خۆ پێگەهاندنێ و شارەزابوون د بوارەكێ تایبەت دا.
فەیسەل خەلیل، رێڤەبەرێ ناوەندا وەرزش و لاوان ئاكرێ بۆ ئەڤرۆ گۆت: گەنجان گەلەك ئاریشە هەنە، ئەوێن خودان باوەرنامە هەتا نوكە نەهاتینە دامەزراندن یان ل كەرتێ تایبەت ل ل سەر وێ چەندێ كاربكەت تا ئەڤ رێژە سالانە بەر ب زێدەبوونێ نەچیت و گۆت: مخابن گەنج و لاو رێژەكا وان وەسا هزر دكەن ب تنێ دامەزراندن دێ ئاریشێن وان چارەكەت و یێ بەرهەڤ نینە كارەكێ دی بكەت هەتا دەرگەهێن دامەزراندنێ ڤەبن، كار یێ هەیی، بەلێ جوداهیا جها هەیە بۆ نموونە كارێ گۆندان جوداهی هەیە گەل باژێران ئەڤ چەندە ژی لاوێ مە ل كاری ل هندەك جهان بێ بەهردكەت.
فەیسەل ئاشكرا كر: چالاكیێن ناوەندا وەرزش و لاوان زۆرتر هزری نە و جۆرەها چالاكینە و سالانە هژمارەكا زۆر لاوان پشكداریێ ل كار و چالاكیان دكەن و مفا لێ هاتیە وەرگرتن و پتری وان لاوان پشكداردبن یێن دەرچۆیێن كۆلیژ و پەیمانگەهان.
ناڤبری گۆت: خۆشبەختانە نوكە رێكخراوا unicef بۆ دەمێ چەندین هەیڤا ل سنۆرێ ناوەندا ئاكرێ كاردكەت و زێدەتری 400 كورو كچێن ئاكرێ ناڤێ وان هاتیە تۆماركرن و پشتی جەژنێ دێ دەست ب چالاكیێن جۆدا كەت و هژمارەكا لاوێن خودان بەهرە دێ ژ پرۆژێن بچووك مفاداربن و هەمی پشكدار دێ خەرجیێن وان یێن هاتن و چوونێ و لوجستی ب ستۆیێ رێكخراوا ناڤبری بن، هیڤیخوازین بشێین تا رادەیەكی ل گۆر شیان و بەرنامێ حوكمەتێ و كابینا 9 هندەك خاستا لاوان دابین.
رێڤەبەرێ ناوەندا وەرزش و لاوێن ئاكرێ گۆت: ل ڤان دوو سالان رێڤەبەریا گشتی یا لاوان و رێڤەبەریا لاوان ل پارێزگەها دهۆك زۆر بزاڤ كرینە لاوێن ئاكرێ ب رێیا رێكخراوێن نیڤدەولەتی بێ بەهرنەبن، چ ب رێیا پشكداری ل كار و چالاكیان یان ژی پرۆژێن گەنجان كۆ سالانە ژلایێ ڤان رێكخراوان دهێنە بەخشین ب سەر لاوێن خودان بەهرە و دەرچویێن كۆلیژ و پەیمانگەهان.
