ئەڤ سالە سەرژمێرییا گشتی یا ئاكنجییان ناهێتە كرن
ئەڤرۆ
ئەڤرۆ، زنار تۆڤی:
سیروان محەمەد، سەرۆكێ دەستەیا ئامارا هەرێما كوردستانێ بۆ رۆژناما ئەڤرۆ دیار كر ب زەحمەت ئەڤ سالە سەرژمێرییا گشتی یا ئاكنجییان ل ئیراقێ بهێتە كرن، هەكە هات و پارە ژی ژ لایێ حكومەتا ئیراقێ ڤە بۆ بهێتە تەرخانكرن ژی هەر سەرژمێری ناهێتە كرن، چونكی بەری نوكە بڕیار هاتبوو دان، د ناڤبەرا مەها ( 10 هەتا 11) یا ئەڤ سالە دا سەرژمێری ل ئیراقێ بهێتە كرن، بەلێ ئەو ژێرخانا پێدڤی بۆ ئەنجامدانا سەرژمێرییا گشتی ب شەش هەیڤان تەمام نابیت.
ناڤهاتی گۆت: «هەكە ئەو پارێ هاتییە تەرخانكرن بۆ ئەنجامدنا سەرژمێرییا گشتی یا ئاكنجییان، كو 350 ملیار دینارن، ل بەر دەست ژی بن، ئەم دشێین ل دووماهیا سالا 2024 ێ یان ژی ل دەستپێكا سالا 2025 ێ ئامادەكاریان تەمام بكەین و خوە بۆ ئەنجامدانا سەرژمێرییا گشتی ل ئیراقێ بەرهەڤ بكەین». سیروان محەمەد گۆتژی: «ئەنجامدانا سەرژمێریێ ل دەڤەرێن كوردستانی یێن دەرڤەی ئیدارا هەرێما كوردستانێ دیار نینە، كانێ دێ چاوا هێتە كرن».
ل دووڤ خەملاندنێن وەزارەتا پلاندانانا ئیراقێ، ل سالا 2022 ێ، هەژمارا ئاكنجیێن ئیراقێ 42 ملیۆن و 248 هزار و 883 كەس بووینە.
