رێڤەبەرێ نوو یێ ناوچەداریا خانكێ دەست ب كاربوو
ئەڤرۆ
سێمێل، دلڤین رەشید:
د رێورسمەكی دا ب بەرهەڤبوونا خلیل مەحمود، دەڤەردارێ سێمێلێ، زەردەشت شێخ شامۆ وەكو رێڤەبەرێ نوو یێ ناوچەداریا خانكێ ل شوونا سامی ئوشانە، رێڤەبەری بەرێ یێ ناوچەداریێ دەست ب كاربوو.
د چارچوڤێ وان گوهۆڕینێن بەردەوام یێن حوكمەتا هەرێما كوردستانێ ل دام و دەزگەهێن حكومی ئەنجام ددەت، پێخەمەت پتر خزمەتكرنا وەلاتیان، دوهی 11/4/2023 زەردەشت شێخ شامۆ وەكو رێڤەبەرێ نوو یێ ناوچەداریا خانكێ ل شوونا سامی ئوشانە هاتە دانان، خلیل مەحمود، دەڤەردارێ سێمێلێ د پەیڤەكێ دا دوپاتی ل رۆلێ حوكمەتا هەرێما كوردستانێ كر ژ بۆ پشتەڤانیكرنا ناوچەداریا خانكێ ژ لایێ خزمەتگوزاریانڤە و گۆت: «دەڤەرا خانكێ هەژی خزمەتێن باشە، لەو پێدڤیە ئەم هەموو پشتەڤان و هاریكار بین ل گەل ریڤەبەرێ نوو داكو بشێین وەكو پێدڤی خزمەتا خەلكێ دەڤەرێ بكەین».
زردەشت شێخ شامۆ وەكو رێڤەبەرێ نوو یێ ناوچەداریا خانكێ سوندا یاسایی خوار و سۆز دا خەمساریێ د ئەركێ خوە دا و ئەوا د شیان دا بیت ژ بۆ خزمەتكرنا وەلاتیان بكەت.
