بەنداڤەك ل زاخۆ دێ هێتە دروستكرن
ئەڤرۆ
زاخۆ، عەلی حاجی:
رێڤەبەرێ ئاڤا ژێر ئەرد ل ئیدارەیا سەربخوە یا زاخۆ بۆ رۆژناما ئەڤرۆ دیار كر، نوكە كار ل سەر دانانا نەخشەیەكی دهێتە كرن ژ بۆ دروستكرنا بەنداڤەكێ ل سنوورێ ئیدارەیا سەربخوە یا زاخۆ و ئیراق هەموو ژ وی بەنداڤێ دێ مفادار بیت.
محەمەد یاسین، رێڤەبەرێ ئاڤا ژێر ئەرد ل ئیدارەیا سەربخوە یا زاخۆ گۆت: «ل دووڤ بڕیارا گوهدار شێخۆ، سەرپەرشتێ ئیدارەیا سەربخوە یا زاخۆ سێ جهـ ل دەوروبەرێن باژێرێ زاخۆ هاتینە دەست نیشان كرن ژ بۆ دروستكرنا بەنداڤەكێ ل سەر خابیری، پشتی ب دووماهی هاتنا نەخشەی جهەك دێ هێتە دەستنیشان كرن بۆ دروستكرنا وێ بەنداڤێ، ژ بەركو د دەمێ هاتنا بارانێن زێدە د وەرزێ زڤستانێ و بهارێ دا ئاڤەكا زێدە ب هەدەر دچیت و مە دڤێت وێ ئاڤێ عمبار بكەین، لەوما دروستكرنا بەنداڤەكێ ل سنوورێ ئیدارەیا سەربخوە یا زاخۆ گەلەكا گرنگە».
گۆتژی: «هەتا نوكە پێنگاڤێن باش هاتینە هاڤێتن و گوهدار شێخۆیی پشتەڤانیەكا باش ل وی پڕۆژەیی دكەت، دا كو بهێتە ئەنجامدان و حكومەتا هەرێما كوردستانێ ژی پشتەڤانە بۆ دروستكرنا وی پرۆژەی».
