رێڤەبەرەكێ گشتی ل دهۆكێ ژ پۆستێ وی هاتە لادان
ئەڤرۆ
جڤاتا پارێزگەها دهۆكێ دوهی 17/4/2023 ل سەر دو تەوەران كۆمبوو و تێدا پێشنیارا لادانا رێڤەبەرێ گشتیێ گەشتوگوزارێ ل پارێزگەها دهۆكێ ب پتریا دەنگان ژ لایێ جڤاتا پارێزگەها دهۆكێ هاتە پەسەندكرن و رێڤەبەر ژ پۆستێ وی هاتە لادان.
فەهیم عەبدوللا، سەرۆكێ جڤاتا پارێزگەها دهۆكێ بۆ گاڤ دیار كر، وان داخواز ژ پارێزگەها دهۆكێ و جڤاتا وەزیرێن هەرێما كوردستانێ كریە، دكتۆر خەیری عەلی ئوسۆ، رێڤەبەرێ گشتی یێ گەشتوگوزارێ ل پارێزگەها دهۆكێ و هندەك ژ سەرۆكپشكێن وێ رێڤەبەریێ ژ كاری بهێنە لادان.
ل دۆر ئەڤەرێ لادانا وان ژی سەرۆكێ جڤاتا پارێزگەها دهۆكێ گۆت: «رێڤەبەرێ گشتی و وان سەرۆكپشكان هندەك كارێن خراب كرینە و زیان گەهاندییە كەرتێ گەشتوگوزاری ل پارێزگەها دهۆكێ«.
