ل سێ دەڤەرداریان رۆژانە 250 تەنێن گلێشی دهێنە كۆمكرن
ئەڤرۆ
رەمەزان زەكەریا
ل سنوورێ هەر سێ دەڤەرداریێن ئاكرێ و بەردەڕەش و شێخان و گوند و ناوچەداریێن دەوروبەر، رۆژانە هژمارەكا مەزن یا كرێكارا كاردكەن بۆ كۆمكرنا گلێشی مالان و جهێن گشتی و ل دووڤرا ئەو گلێش دهێتە ڤەگۆهاستن بۆ كارگەها ریسایكلین یا ئاكرێ و دهێتە ژێك ڤاڤارتن.
مەسعود زوبەیر، رێڤەبەرێ كۆمپانیا MRF بۆ پاكژكرنێ ل ئاكرێ و بەردەڕەش و شێخان بۆ ئەڤرۆ گۆت : كۆمپانیا ناڤبری ب كارێ پاقژكرنا هەر سێ دەڤەرداریێن ئاكرێ و بەردەڕەش و شێخان و سەنگەرێن پێشمەرگەی رادبیت ل سنوورێ وان دەڤەرداریێن كۆمپانیا ب كارێ پاقژ كرنێ رادبیت ل میحوەرێ تلسقۆف هەتا میحوەرێ خازر بێ بەرامبەر گلێش دهێتە كۆمكرن.
رێڤەبەرێ كۆمپانیایێ ئاشكراكر: رۆژانە گلێشی سێ دەڤەرداریا و 20 باژێرڤانیا دهێتە كۆمكرن، خەتارێ و كەلەك و باعەدرێ و ئەتروش هەتا دینارتە و بجیل دگەل 85 گوندێن ئاڤەدان، كۆمپانیا ب كارێ پاقژكرنێ رادبیت سنوورەكێ گەلەك بەرفرەهە و رۆژانە كارمەندێن كۆمپانیێ كار تێدا دكەن.
ناڤهاتی گۆت ژی: كۆمپانیا MRF هەتا 760 كارمەندان هەنە دگەل 180 ئامێر و كارگەها ریسایكلین، رۆژانە ل هەرسێ دەڤەرداریێن ئاكرێ و بەردەڕەش و شێخان و ناوچەداری و گوندێن دەوروبەر هەتا 250 تەنێن گلێشی دهێنە كۆمكرن دهێتە ڤەگۆهاستن بۆ كارگەهێ ب مەبەستا ژێك ڤاڤارتنا گلێشی.
ناڤبری گۆت: دەمەكە گرێبەستا كۆمپانیایێ دگەل حوكمەتێ ب دوماهی هاتیە و هێشتا نەهاتیە نووكرن و چو سلفە ژلایێ حوكمەتێ ڤە ب كۆمپانیێ نەهاتینە دان، بەلێ كۆمپانیا سەرەرای گرێبەست نەمایە و هێشتا نەهاتیە نوكورن ژی هەر بەردەوام بوویە ل كاركرنێ.
