سەرۆكێ بەرێ یێ كومسیۆنا هەلبژارتنێن ئیراقێ: دهێتە چاڤەڕێكرن دەمێ هەلبژارتنان بهێتە پاشئێخستن
ئەڤرۆ
سێمێل، دلڤین رەشید:
سەرۆكێ بەرێ یێ كومسیۆنا هەلبژارتنێن ئیراقێ دیار كر، پشتی سەرۆكێ هەرێما كوردستانێ رۆژا 18 مەها چریا دویێ یا ئەڤ سالە بۆ ئەنجامدانا هەلبژارتنێن پەرلەمانێ هەرێما كوردستانێ دیاركری، هێشتا بۆ وەلاتیان خویا نەبوویە كانێ ئەڤ هەلبژارتنە د دەمێ خوە یێ دەستنیشانكری دا دێ هێنە ئەنجامدان یان نە.سەرۆكێ بەرێ یێ كومسیۆنا هەلبژارتنێن ئیراقێ دیار كر، پشتی سەرۆكێ هەرێما كوردستانێ رۆژا 18 مەها چریا دویێ یا ئەڤ سالە بۆ ئەنجامدانا هەلبژارتنێن پەرلەمانێ هەرێما كوردستانێ دیاركری، هێشتا بۆ وەلاتیان خویا نەبوویە كانێ ئەڤ هەلبژارتنە د دەمێ خوە یێ دەستنیشانكری دا دێ هێنە ئەنجامدان یان نە.سەربەست مستەفا، سەرۆكێ بەرێ یێ كومسیۆنا هەلبژارتنێن ئیراقێ بۆ رۆژناما ئەڤرۆ دیار كر، ژ بەر چەند ئەگەرەكان پێدڤیە ب زووترین دەم جڤاتا كۆمسیاران ل كومسیۆنا بلندا سەربخوە یا هەلبژارتن و راپرسیان ل هەرێما كوردستانێ بهێتە نووكرن و كاراكرن، داكو هەلبژارتن د دەمێ خوە دا بهێنە كرن، چونكی دەمێ جڤاتا كۆمسیاران ب سەرڤەچوویە، هەتا نوكە یاسایا هەلبژاتنان و كوتایا پێكهاتەیان و بازنێ هەلبژارتنان و لایەنێ سیاسی ئێكلا نەبووینە.ناڤهاتی گۆت: «ئەگەر تێگەهشتنەكا گشتی هەبیت ژی نەچوویە د بیاڤێ بجهئینانێ دا، دڤێت ئەڤ یەكە ببیتە پڕۆژەیاسا و دەنگدان ل سەر بهێتە كرن، داكو كومسیۆن ژی بشێت كاری ل سەر بكەت، ئەگەر ئەڤ كارە ب زووترین دەم نەهێنە كرن، دهێتە چاڤەرێكرن دووبارە دەمێ هەلبژارتنان بهێتە پاشئێخستن و ئەڤە ژی دێ بیتە ئەگەرێ ژ دەستدانا باوەریا خەلكی ب پرۆسا هەلبژارتنان ل هەرێما كوردستانێ«.
