رێورەسمێن تاووسێ د ناڤ ئێزدیان دا دهێنە گێڕان
ئەڤرۆ
ئەڤرۆ، دلڤین رەشید:
مجێورەك بۆ رۆژناما ئەڤرۆ دیار دكەت، تاووس گێڕان رێورسمەكێ كەڤنارە، سالێ دو جاران وەكو داب و نەریتەك د ناڤ جڤاكێ ئێزدی دا ژ لایێ جڤاتا رۆحانی و میرێ ئێزدیان ڤە دهێنە گێڕان.
غەزال سلێمان وەك مجێورەك گۆت: «بۆ جارا ئێكێ دەمێ گەڕیانا تاووسێ دهاتە دیاركرن، هەرسال ل ئەینیا پشتی جەژنا سەرێ سالێ، جارا دویێ ل دووماهیا جەمایا شێخادی گەڕا تاووسێ دهاتنە كرن، دیسا میری ئێزدیان و ئختیارێ مەرگەهێ هەرسال هندەك قەوال و دینداران دەست نیشان دكەن، داكو ل گەل گەرا تاووسێ بن و رێورسمێن وێ ل هەر قووناغەكێ د ناڤ گوند و كۆمەلگەهێن ئێزدیان دا بگێڕن».
