پلێتێن ئاهێن خوارنێ یێن ئەلكترۆنی هاتنە بەلاڤكرن
ئەڤرۆ
بەرپرسێ ڕاگەهاندنا ڕێڤەبەریا ڕێكخستنا پلێتێن ئاهێن خوارنێ دیار كر، پلێتێن ئاهێن خوارنێ یێن ئەلكترۆنی ل سەر هەموو بریكارێن بەلاڤكرنا ئاهێن خوارنێ هاتنە بەلاڤكرن.
قەیس وەیس، بەرپرسێ ڕاگەهاندنا ڕێڤەبەریا ڕێكخستنا پلێتێن ئاهێن خوارنێ بۆ دهۆك تیڤی ڕاگەهاند: ئەوان دوهی پلێتێن ئاهێن خوارنێ یێن ئەلكترۆنی ل سەر هەموو بریكارێن بەلاڤكرنا ئاهێن خوارنێ بەلاڤكرن و وەلاتی دشێن سەرەدانا بریكارێن خوە بكەن بۆ وەرگرتنا كارتا خوە یا ئەلكترۆنی.
ناڤهاتی گۆت: «پشتی وەلاتی كارتا خوە وەردگرن، دڤێت ل 10/5/2023 سەرەدانا ڕێڤەبەریێ بكەن ژ بۆ ئەنجامدانا كاراكرنا كارتێن خوە یێن ئەلكترۆنی و هەرد ەمێ ئەو كارت نەهاتە كاراكرن ئەرزاقێ وی وەلاتی دێ هێتە ڕاوەستاندن».
گۆتژی: «بۆ كاراكرنا كارتا ئەلكترۆنی پێدڤیە ب تنێ سەرۆكخێزان سەرەدانا ڕێڤەبەرییێ بكەت و ناسنامەیێن خێزانا خوە ل گەل خوە ببەت، زێدەباری ئەو كارتا ئەلكترۆنی ئەوا ژ نك بیركارێ خوە وەرگرتی».
