دەست ب ئاڤاكرنا شوقەیێن كێم دەرامەتان دێ هێتە كرن
ئەڤرۆ
هەولێر، قائید میرۆ:
بڕیارە مەها بهێت دەست ب ئاڤاكرنا شوقەیێن كرێدار و هەژاران بهێتە كرن و سەرۆكێ دەستەیا گشتیا وەبەرهێنانێ ژی دبێژیت: ل هەموو دەڤەران دێ پڕۆژەیێ ئاڤاكرنا یەكەیێن ئاكنجیبوونێ كەڤیتە د بیاڤێ بجهئینانێ دا.
دكتۆر محەمەد شوكری، سەرۆكێ دەستەیا وەبەرهێنانێ بۆ رۆژناما ئەڤرۆ دیار كر، دەستەیا وەبەرهێنانێ بەردەوام كار بۆ بجهئینانا بڕیارا حوكمەتێ بۆ ئاڤاكرنا 20 هزار یەكەیێن ئاكنجیبوونێ بۆ خەلكێ هەژار و كرێدار دكەت، ل هەموو باژێڕێن هەرێما كوردستانێ شوقە بۆخەلكێ كرێدار دێ هێنە ئاڤاكرن و بڕیارە ل مەها گولانێ ل هەموو پارێزگەه و ئیدارەیێن سەربخوە دەست ب ئاڤاكرنا شوقەیێن كرێدار و كێم دەرامەتان بهێتە كرن.
دكتۆر محەمەد شوكری گۆت: «پڕۆژێ ئاڤاكرنا شوقەیێن كرێداران كار ل سەر قووناغێن دەستپێكی هاتیە كرن و بڕیارە ل دەستپێكا مەها گولانێ هەتا دووماهیا هەیڤێ هەموو ئەو پڕۆژەیێن تایبەت ب تەخا كرێداران ڤە بهێنە دەستپێكرن و ل گورەی مەرجێن ژ لایێ حوكمەتا هەرێما كوردستانێ ڤە هاتینە دیاركرن، ئەو یەكە ل سەر وەلاتیان دێ هێنە بەلاڤكرن».
