كۆنفرانسەكێ نێڤدەولەتی ل زانكۆیا زاخۆ دێ هێتە گێڕان
ئەڤرۆ
زاخۆ، دلۆڤان هالۆ:
سەنتەرێ زاخۆ بۆ ڤەكۆلینێن كوردی ل فەكۆلتییا زانستێن مرۆڤایەتی یا سەر ب زانكۆیا زاخۆ ڤە، ب چاڤدێریا سەرۆكێ زانكۆیا زاخۆ دكتۆر نازم سلێمان دێ حەفتەمین كۆنفڕانسێ خوە یێ نێڤدەولەتی گێڕیت.
عەبدولسەلام نەجمەدین، بەرپڕسێ سەنتەرێ زاخۆ بۆ ڤەكۆلینێن كوردی بۆ ڕۆژناما ئەڤرۆ دیار كر كو سەنتەرێ زاخۆ بۆ ڤەكۆلینێن كوردی ل فەكۆلتییا زانستێن مرۆڤایەتی یا سەر ب زانكۆیا زاخۆ ڤە، دێ حەفتەمین كۆنفڕانسێ خوە یێ نێڤدەولەتی ل بن ناڤێ (دەولەت و میرگەهێن كوردی ل سەردەمێن ناڤەڕاست و نوو) ل ڕۆژا چارشەمبی 3/5/2023 ل دەمژمێر 10:30 سپێدێ ل هۆلا فەكۆلتییا زانست گێڕیت.
بەرپڕسێ سەنتەرێ زاخۆ بۆ ڤەكۆلینێن كوردی ئاماژە ب وێ ب وێ چەندێ ژی كر كو زێدەباری ڤەكۆلەرێن كوردستانێ دێ چەندین ڤەكۆلەر ل كوردستانا باكوور و كوردستانا ڕۆژئاڤا ژی پشكداریێ د ڤی كۆنفڕانسی دا كەن و بابەتێن ڤەكۆلینێن خوە پێشكێش كەن.
