عەونی نیعمەت بابێ بەرپرسێ لقێ ئێكێ پارتی مالئاڤایی كر
پێشمەرگەیێ هەردو شۆڕەشێن ئیلۆن و گولانێ (عەونی نیعمەت پسئاغا) بابێ عەلی عەونی، بەرپرسێ لقێ ئێكێ پارتی دیمۆكراتی كوردستان، دوهی د ژییێ 82 سالیێ دا مالئاڤایی كر.
عەلی عەونی، ب هەلكەفتا مالئاڤاییا بابێ خوە نڤیسیە: سەربلندەكێ قادا تێكۆشانا كوردایەتیێ، رێڤینگ و سەرباز و دلسۆزەكێ رێبازا بارزانی بوو. هیچ گومانەك ل سەر حەقانیەتا دۆزا كوردستانێ نەبوو. هیچ كوردەك ب قاسێ وی دلخۆش و رازی نەبوویە ژ سەرهلدان و سەركەفتن و دەستكەفتێن كوردستانیان و حوكمەتا كوردستانێ.
بابێ من دلسۆزتر ژ مالا بارزان بۆ بارزان بوو. دگۆت ئەڤە بەس رێبەرێن مە نینن، بەلكو ئەڤە مەلك و میرێن گەلێ مەنە.
قەت رۆژەكێ ژی خەبات و ئاوارەیی و وەستیانا خوە ل سەر گەلێ خوە حساب نەدكر. دگۆت: من بۆ خوە كرییە و هەر كەسەك بۆ خوە دكەت.
ب ڤێ بوونا خەمگین سەرەخوشیێ ل عەلی عەونی و مالبات و كەسوكارێن وی دكەین، داخوازێ ژ خودایێ مەزن و دلۆڤان دكەین رەحەمەتی ل بهەشتا خوە شاد بكەت.
