ئیدارەیا شەرعی دێ زڤڕیتە شنگالێ
ئەڤرۆ
دهۆك، لەزگین جوقی:
پەرلەمانتارەكێ ئیراقێ دیار كر، وان داخواز ژ محەمەد شیاع سوودانی كریە، كو ئیدارا شەرعی یا شنگالێ ڤەگەڕیت و دبێژیت: ئەم دگەشبینین ئیدارا شەرعی دێ زڤڕیتە شنگالێ.
مەحما خەلیل، پەرلەمانتارێ فراكسیۆنا پارتی ل پەرلەمانێ ئیراقێ بۆ رۆژناما ئەڤرۆ خویا كر، كار ل سەر زڤڕاندنا ئیدارا شەرعی یا شنگالێ دهێتە كرن و گۆت: «محەمەد شیاع سوودانی ل گەل مە یێ هەڤكارە، راستە رێگری ل زڤڕینا ئیدارا شەرعی یا شنگالێ دهێتنە كرن، لێ نوكە رەوش یا جودایە و پاشەرۆژەكا نێزیك دا دێ ئێدارا شەرعی ڤەگەڕیتە شنگالێ«.
گۆتژی: «ئیدارا شەرعی یا شنگال نوكە ل ناحیا فەیدیێ كاروبارێن خەلكێ شنگالێ ب رێڤە دبەت و دەمێ د زڤڕیتە شنگالێ دێ بیتە ئەگەر پتر خزمەتا شنگالێ بكەت و ئاوارە ژی ڤەگەڕنی جهێن خوە».
