كۆمبوونەك ل دۆر ب رێڤەبرنا مامەلەیێن تاپۆكرنا خانیێن زێدەگاڤی هاتە كرن
ب سەرپەرشتیا د. عەلی تەتەر، پارێزگارێ دهۆكێ، دوهی رۆژا ئێكشەمبی رێكەفتی 14/5/2023 لژنا بلندا تاپۆكرنا خانیێن زێدەگاڤی ل پارێزگەها دهۆكێ ب بەرهەڤبوونا لایەنێن پەیوەندیدار ل دۆر چاوانیا ب رێڤەبرنا مامەلەیێن تاپۆكرنا وان خانیێن زێدەگاڤی یێن بڕیارا تاپۆكرنێ هەی؛ كۆمبوو.
د وێ كۆمبوونێ دا باس ل پرۆسا ب رێڤەبرنا مامەلەیێن تاپۆكرنا خانیێن زێدەگاڤی هاتە كرن، پارێزگارێ دهۆكێ دوپاتی ل بجهئینانا رێنمایان بۆ تمامكرنا پرۆسا ناڤبری كر، لژنا بلند پشتی هەلسەنگاندنا پرۆسێ دێ داخوازێ ژ وان وەلاتیان كەت یێن یاسا تاپۆكرنێ ژێ دگریت، لەزێ د ب رێڤەبرنا مامەلەیێن خوە دا بكەن.
