ئەڤ سالە سەرژمێریا گشتی ل ئیراقێ ناهێتە ئەنجامدان
ماهر حەماد جوهان، بریكارێ وەزارەتا پلاندانانا ئیراقێ ڕاگەهاند، ژ ئەگەرێ درەنگ پەسەندكرنا بودجەیا گشتی یا ئیراقێ، ئەڤ سالە پرۆسا سەرژمێریا گشتییا ئاكنجیێن ئیراقێ ل دووماهیكا ئەڤ سالە ناهێتە ئەنجامدان و بۆ سالا بهێت ژی دێ گوهۆڕین ب سەردا هێنە كرن.
جوهان ئاشكار كر كو پشتی تەمامبوونا ئامادەكاریێن تەكنیكی ل مەها 10 یا سالا 2024 دەست ب پرۆسا سەرژمێریی دێ هێتە كرن و دێ بۆ دەمێ چەند مەهان یا بەردەوام بیت.
ل دووڤ ئامارێن دەستپێكی یێن وەزارەتا پلاندانانا ئیراقێ، هەژمارا ئاكنجیێن ئیراقێ گەهشتیە 43 ملیۆن كەسان.
