باژێڕڤانیا دینارتە خودانێن گیانەوەرێن بەردای سزا ددەت
ئاكرێ، رەمەزان زەكەریا:
سەرۆكاتیا باژێرڤانیا دینارتە دەمەكە هەوا گرتنا گیانەوەرێن بەردای یێن خۆمالی دەستپێكریە و پشتی ئاگەهداركرنێ و سزادانێ، هەكە ئەو دیاردە یا بەردەوامبوو ئەو گیانەوەر بۆ جهەكێ نەدیار دێ هێنە ڤەگۆهاستن.
نەعمان سەلیم خان، سەرۆكێ باژێرڤانیا دینارتە بۆ ئەڤرۆ گۆت: «ل دووڤ یاسا ژمارە 14 سالا 2022 یا كو ژ سەرۆكاتیا جڤاتا وەزیران هاتی بۆ دیاردا نەهێلانا ئاژەلێن خۆمالی یێن بەردای د ناڤ سەنتەرێ باژێری دا چەندین سزا هاتینە دیاركرن، جارا ئێكێ بۆ هەر گیانەوەرەكی خودان دێ ب 50 هەتا 100 هزار دیناران هێتە سزادان و جارا دویێ ئەو سزا دێ بیتە سێجاركی».
ناڤهاتی گۆتژی: «نوكە 26 گیانەوەرێن خۆمالی ژ لایێ تیمێن باژێرڤانیێ ڤە دەست ب سەردا هاتیە گرتن و د ناڤ جهەكی دانە و چو كەس بێ دانا سزایێ خوە نەشێت گیانەوەرێن خوە وەربگریت».
