پارەیەكێ زۆر بۆ بجهئینانا ماددەیێ 140 هاتیە دیاركرن
پەرلەمانتارەكا پارتی ل پەرلەمانێ ئیراقێ ئاشكرا كر، پارەیەكێ زۆر د ناڤا قانوونا بودجەیا ئیراقێ دا بۆ بجهئینانا ماددەیێ 140 یێ دەستووری هاتیە دیاركرن و دەڤەرێن كوردستانی دێ ژ وی پارەی مفادار بن.
دكتۆر نەهلە قادر، پەرلەمانتارا پارتی ل پەرلەمانێ ئیراقێ بۆ رۆژناما ئەڤرۆ دیار كر، د ناڤا قانوونا بودجەیا ئیراقێ دا پارەیەكێ زۆر بۆ بجهئینانا ماددەیێ 140 یێ دەستووری هاتیە دیاركرن و گۆت: «پشتی بودجە دكەڤیتە د بیاڤێ بجهئینانێ دا ئەو پارە دێ هێتە مەزاختن و خەلكەكێ زۆر ب وی پارەی دێ هێتە قەرەبووكرن، چونكی ئێك ژ ئاستەنگێن هەمبەر بجهئینانا ماددەیێ 140 نەبوونا بودجەیەكا باش بوویە».
گۆتژی: «مەزاختنا پارەیەكێ زۆر دێ بیتە ئەگەرەكێ بهێز بۆ بجهئینانا ماددەیێ 140 یێ دەستوورێ ئیراقێ، ب تایبەتی ل هەردو پارێزگەهێن نەینەوا و كەركووكێ زۆرترین دەڤەرێن ئاریشە ل سەر هەنە و پێدڤیە ل گورەی دەستووری بهێنە ئێكلاكرن و ئەردێ جوۆتیارێن كورد بۆ بهێتە ڤەگەڕاندن».
