بەرپرسێن پارتیا کۆماریا گەل داخوازەکێ ژ کلچدار ئۆغلۆی دکەن
ئۆزگور ئۆزەل سەرۆکێ فراکسیۆنا پارتیا کۆماریا گەل (جەهەپێ) راگەهاند، پشتی هەلبژارتنان دیار بوو دڤێت د ناڤ جەهەپێ دا گوهۆڕینێن مەزن بهێنە کرن، ژ بەر هندێ ژی د پێنگاڤا ئێکێ دا دڤێت کەمال کلچدار ئۆغلۆ دەست ژ سەرۆکاتیا جەهەپێ بەردەت و نابیت کلچدار ئۆغلۆ ئاستەنگان ل هەمبەر گوهۆڕینێن د ناڤ پارتیا کۆماریا گەل دا دروست بکەت.
ل ئالیێ دی هندەک ژ دەزگەهێن راگەهاندنا تورکیا ژی دیار دکەن، ئەکرەم ئیمام ئۆغلۆ سەرۆکێ باژێرڤانیا ئستەنبۆلێ دڤێت ل جهێ کلچدار ئۆغلۆی ببیتە سەرۆکێ گشتی یێ جەهەپێ، ژ بەر هندێ ژی نها فشارێن زێدە ل سەر کلچدار ئۆغلۆی هەنە دا دەست ژ سەرۆکاتیا پارتیا کۆماریا گەل بەردەت.
