نەخۆشخانا تەنگاڤیان ل بەڕۆشكێ هاتە ڤەگوهاستن
نەخۆشخانا تەنگاڤیان ل پارێزگەها دهۆكێ ل دوهی 19/6/2023ێ بۆ پشكا نوو یا تەنگاڤیان ل نەخۆشخانا ئازادی هاتە ڤەگوهاستن، كو پێكهاتیە ژ 130 تەختان و چار هولێن نشتەگەریان و ئەڤرۆ دێ كەڤیتە د خزمەتا وەلاتیان دا.
د، ئەفراسیاب موسا، رێڤەبەرێ گشتی یێ ساخلەمیا پارێزگەها دهۆكێ بۆ ئەڤرۆ خویا كر، هەموو نەخۆشێن تەنگاڤیان یێن دل و هناڤ و نشتەرگەری و شكەستن و روودانان ل پشكا نوو یا تەنگاڤیان ل نەخۆشخانا ئازادی دێ هێنە چارەسەركرن و نەخۆشخانا تەنگاڤیان ل بەڕۆشكێ دێ هێتە ڤالاكرن و گۆت: «پشكا نوو یا تەنگاڤیان ل نەخۆشخانا ئازادی ژ 130 تەختان و چار هولێن نشتەرگەریان و پشكێن تیشك و سونارێ و میفراس و تاقیگەهێ پێكهاتیە و ب شێوەكێ باش دێ خزمەتا نەخۆشان كەت».
ناڤهاتی گۆتژی: «ژ ئەڤرۆ وێڤە بۆ هەر حالەتەكی وەلاتی دشێن سەرەدانا پشكا نوو یا تەنگاڤیان ل نەخۆشخانا ئازادی بكەن».
