ئێكەم حەجیا كورد ل مەكەهێ مالئاڤایی كر
ئێك ژ حەجیێن هەرێما كوردستانێ دوهی 20/6/2023 ل نەخۆشخانەیا مەلك عەبدولعەزیز یا باژێرێ مەكەهێ مالئاڤایی كر.
ل گۆرەی بەیانەكا وەزارەتا ئەوقافا هەرێما كوردستانێ ناڤێ وێ حەجیایێ (رەحیما قادر حەسەن)ە و خەلكا ئیدارەیا راپەرینە و ژ دایكبوویا سالا 1957 یە و ب مەرەما ئەداكرنا فەریزا حەجێ قەستا مەكەهێ كربوو.
وەزارەتێ ئاماژە ب وێ چەندێ ژی كریە كو وێ حەجیایێ پێشتر نەخۆشیا دلی هەبوو، نشتەرگەریی ل سلێمانیێ بۆ هاتبوو كرن، دوهی رەوشا ساخلەمیا وێ تێكچوو، تیمێن ساخلەمیا حەجیێن هەرێما كوردستانێ گەهاندە نەخۆشخانە یا مەلك عەبدولعەزیز، لێ ل وێ نەخۆشخانێ گیانێ خوە ژ دەست دا.
