وەزارەتا ساخلەمیێ هەژمارەكا رێنوماییان بۆ كونترۆلكرنا تایا خوینبەربوونێ دەرئێخستن
ژ بەر نێزیكبوونا جەژنا قوربانیێ و ب مەرەما كۆنترۆلكرنا تایا خوینبەربوونێ، وەزارەتا ساخلەمیێ هەژمارەكا رێنومایان دەرئێخستن و دیار كریە كو پێدڤیە بهێنە بجهئینان، ژ وان:
1- سەربڕینا گیانەوەران د ناڤ مالان دا ب هەموو شێوەكی قەدەغەیە، سەربڕین ب تنێ دێ ل جهێن دەستووردای بیت.
2- گۆشتفرۆش كەلوپەلێن خوەپاراستنێ بكەنە بەر خوە و پێگیریێ پێ بكەن، ب تایبەت ژی دەزگۆركێن لاستیكی و جلكێن تایبەت یێن خوەپارێزیێ دەمێ سەردەریێ ل گەل گیانەوەران یان گۆشتی و خوینا وان دكەن، دەمێ دیتنا سەرپێچیێ ب دژواری دێ هێنە سزادان.
3- پشتی سەربڕینا گیانەوەری، دڤێت ئەو جه بهێتە پاقژكرن ب كارئینانا گیراوێ كلوری (5%) یان هەر بۆتلەكێ فاسێ بۆ 11 بۆتلێن ئاڤێ، ب هەما شێوە پاقژكرنا كەلوپەلێن ب كارهاتی ل دەمێ سەربرینێ و پارچەكرنا گوشتی.
4- پێدڤیە وەلاتی گۆشتێ سۆر ل جهێن دەستووردای بكرن، دەستكێشا ل دەستێن خوە بكەن و چو برینداری ل دەستێ وان نەبیت، تەختێ پارچەكرنا گۆشتی یێ جودابیت ژ تەختێ پارچەكرنا زەرزەواتی، دیسا گوشت ب تەمامی بهێتە كەلاندن.
5- جلكێن هچك درێژ و رەنگێن تاری بكەنە بەرخوە، دەمێ سەرەدانا وان جهێن كڕنی تێدا بەلاڤە دكەن، هەروەسا ب كارئینانا كرێمێ تایبەت ب دوورخستنا مێری و كڕنیان ل لەشێ مرۆڤی.
6- رێڤەبەریێن ساخلەمیێ پێدڤیە هەڤكاریێ ل گەل رێڤەبەریێن ڤێتێرنەری بكەن دەربارەی رێكارێن پاقژكرنا جهێن گیانەوەران.
7- گرنگیدان ب كارێ رەوشەنبیری و هشیاریا ساخلەمیێ بۆ پاراستنا وەلاتیان، ب رێیا هەوێن جودا و بەلاڤكرنا رێنمایان.
8- بجهئینانا چالاكیێن رەشاندنێ ل دووڤ پلانا سالانە یا كونترۆلكرنا نەخۆشیێن ڤەگر.
9- پابەندبوونا كارمەندێن ساخلەمیێ پێگیریێ ب بەرخوەكرنا كەرستێن خوەپارێزیا كەسایەتی بكەن ب شێوەكێ زانستی یێ دروست.
