پڕۆژەیێ تێرمینالا زاخۆ دێ هێتە دروستكرن
دهۆك، لەزگین جوقی:
رێڤەبەرێ گشتی یێ وەبەرهێنانێ ل ئیدارا سەربخوە یا زاخۆ دیار كر، پڕۆژەیێ تێرمینالا زاخۆ بۆ ڤەگوهاستنا وەلاتیان بۆ توركیا و هەموو پارێزگەهێن هەرێما كوردستانێ دێ هێتە دروستكرن، هەروەسا بۆ گەشتوگوزارێ ژی دێ هێتە بكارئینان.
جگەرخوین تەها، رێڤەبەرێ گشتی یێ وەبەرهێنانێ ل ئیدارا سەربخوە یا زاخۆ بۆ رۆژناما ئەڤرۆ دیار كر، پڕۆژەیێ تێرمینالا زاخۆ ل گەل توركیا و هەموو پارێزگەهێن هەرێما كوردستانێ دێ هێتە گرێدان، تێرمینال ل نێزیك خالا سنووریا ئیبراهیم خەلیل ل زاخۆ دێ هێتە چێكرن، دیسا ئەو گەشتیارێن ژ دەرڤەی هەرێما كوردستاتنێ ب رێیا تێرمینالێ قەستا زاخۆ دكەن دێ رێڤەبەریا گەشتوگوزارێ وەرگریت و ل سەر ئۆتێل و مۆتێل و خوارنگەهان دێ بەلاڤكەت، ئانكو رێكخستنەك دێ هێتە كرن، كو هەموو ئۆتێل و مۆتێل و خوارنگەه كار بكەن».
ناڤهاتی گۆتژی: «د ماستەرپلانا زاخۆ دا جهەك ل نێزیك خالا سنووریا ئیبراهیم خەلیل هاتیە دەستنیشانكرن، پشتی پڕۆژە دهێتە راگەهاندن دێ وەبەرهێنەرەك بجه ئینیت».
