هاڤینێ ژی دەرمالەیێ جوگرافی بۆ رێڤەبەر و هاریكارێن قوتابخانەیان دێ هێتە مەزاختن
بڕیارە ل دەستپێكا مەها ئیلۆنا داهاتی مامۆستا دەست ب كاربوونا خوە ل قوتابخانێن هەرێما كوردستانێ تۆمار بكەن ب مەرەما بەرهەڤیان بۆ سالا نوو یاخواندنێ، سەرۆكێ ئێكەتیا مامۆستایان ژی دبێژیت: مامۆستایێن مۆهلەتا فەرمی هەی پێگیریێ ب دەوامێ ناكەن هەتا مۆهلەتا وان ب دوماهی دهێت.
ئەحمەد گەرمیانی، سەرۆكێ ئێكەتیا مامۆستایێن كوردستانێ بۆ رۆژناما ئەڤرۆ دیار كر، مامۆستایێن بەری نوكە مۆهلەت وەرگرتی دێ دوبارە دەست بكاربن و یێن مۆهلەتا وان ب داوی نەهاتی دەست بكار نابن و دەوامێ ناكەن و گۆت: «هژمارەكا زۆر یا مامۆستایان مۆهلەتا دایكایەتی و خواندنێ وەرگرتیە، ل مەها ئیلۆنێ ژی دەرمالێ جوگرافی بۆ مامۆستایان دێ هێتە ڤەگەڕاندن، كو سالانە د وەرزێ بێهنڤەدانێ دا دهێتە بڕین و ل 20 هزار دەستپێدكەت هەتا 70 هزار دیناران».
ئەحمەد گەرمیانی گۆتژی: «بزاڤ دهێنە كرن د وەرزێ هاڤینێ دا ژی دەرمالێ جوگرافی بۆ رێڤەبەرێن قوتابخانەیان و هاریكارێن وان بهێتە مەزاختن، ژ بەركو د دەمێ بێهنڤەدانا هاڤینێ ژی دا چەندین رۆژان دەوامێ دكەن و سەرەدانا قوتابخانێ دكەن ب مەرەما ب رێڤەبرنا كاروبارێن قوتابخانێ».
