10 قوتابخانە ل باشیك و شێخان دێ هێنە ئاڤاكرن
پەرلەمانتارەكێ پارتی ل جڤاتا نوونەرێن ئیراقێ رازیبوون ل سەر ئاڤاكرنا 10 قوتابخانەیان ل باشیك و بەحزان و شێخان دایە.
شەریف سلێمان، پەرلەمانتارێ پارتی و سەرۆكێ لیژنا كۆچ و كۆچبەران ل جڤاتا نوونەرێن ئیراقێ بۆ ئەڤرۆ گۆت: «ئەم شیاینە رازیبوونا حوكمەتا ئیراقێ بۆ ئاڤاكرنا 10 قوتابخانەیان باشیك و بەحزان و شێخان وەربگرن».
گۆتژی: «دو قوتابخانە ل باشیك و بەحزانی دێ هێنە ئاڤاكرن و هەشت قوتابخانە ژی ل شێخان دێ هێنە ئاڤاكرن ئەو ژی ل سەر گوند و كۆمەلگەهێن سەر ب شێخان ڤە دێ هێنە ئاڤاكرن، نوكە ئەم یێ كار دكەین ئەرد بۆ ئاڤاكرنا وان قوتابخانەیان بهێتە تەرخانكرن».
