ب رێیا پڕۆژەیەكی هەژمارەكا گەنجان ل ئامێدیێ دبنە خودان كار
ئامێدیێ، مەحمود نهێلی:
رێڤەبەریا راهێنانێن پیشەیی ل پارێزگەها دهۆكێ رابوویە ب ڤەكرنا پڕۆژەیەكێ بەرفرەهێ راهێنانان، كو ژ 28 خۆلێن فێكرنا كاری پێك دهێت و تێدا دۆرێن 500 كەسان پشكداری تێدا كریە و ب دوماهیك هاتنا ڤان خۆلان پتریا وان دێ بنە خودان كار و پڕۆژەیێن خوە یێن تایبەت.
نیبار شینۆ، رێڤەبەرێ راهێنانێن پیشەیی ل دهۆكێ بۆ رۆژناما ئەڤرۆ خویا كر، ئەڤە مەزنترین پڕۆژەیە ل سەر ئاستێ ئیراقێ، ژ لایێ رێڤەبەریا وان ب هەڤكاری ل گەل رێكخراوا كار یا نێڤدەولەتی و رێكخراوا ILOو ب هەڤكاری ل گەل وەزارەتا كار و كاروبارێن جڤاكی هاتیە ڤەكرن و گۆت: «خولا هشككرنا فێقی، كو بۆ جارا ئێكێ یە ل سەر ئاستێ هەرێما كوردستانێ و ئیراقێ دهێتە ڤەكرن، مەرەم ژ ڤان خۆلان ئەوە د داهاتی دا ئەو كەسێن پشكداری تێدا كری ببنە خودان كار».
گۆتژی: «مە ل بەرە سێ خۆلێن دیتر ل سەنتەرێ دەڤەرداریا ئامێدیێ ڤەكەین بۆ زێدەكرنا شیانێن گەنجان، كو بشێن د بازاری دا ببنە خودان كار».
