بەرپرسێ لقێ هەژدە یێ پارتی: گەلێ كورد و گەلێ فەلەستینی گەلەك خالێن هەڤپشك هەنە
ئامێدیێ، مەحمود نهێلی:
بەرەڤان حەمدی، بەرپرسێ لقێ 18 یێ پارتی دیمۆكراتی كوردستان، پێشوازی ل شاندەكێ قوتابیێن فەلەستینی كر و دیار كر، گەلەك خالێن هەڤپشك د ناڤبەرا گەلێ كورد و گەلێ فەلەستینی دا هەنە.
بەرپرسێ لقێ 18 یێ پارتی گۆت: «گەلێ كورد و گەلێ فەلەستینی ژ بن دەستی و ستەما داگیركەران دنالن، لێ د هەمان دەم دا خودان ئیرادەكا پۆلایینە و چوك بۆ دوژمنان دانەنایە و بەردەوامن ل سەر خەباتێ هەتا دگەهنە ئازادیێ و سەرخوەبوونێ».
گۆتژی: «ئەڤ جۆرە سەرەدانە تێكگەهشتن و هەڤنیاسین و مكۆمكرنا پەیوەندیان پتر لێ دكەت و مفا ژ ئەزموونێن هەڤدو د بیاڤێن جودا دا، ب تایبەت سیاسی، زانست و كلتۆری دا باشتر دكەت».
دهێتە شاندەكێ قوتابیێن (زانكۆیا تەكنیكی فەلەستین – خچوری) ب ئارمانجا ئەنجامدانا راهێنانا هاڤینی بۆ دەمێ ١٥ ڕۆژان بووینە مێهڤانێن زانكۆیا پۆلیتەكنیكا هەولێرێ و د گەشتەكێ دا سەرەدانا دەڤەرا ئامێدیێ كریە.
