د. مەردان خدر: دەنگێن پارتی ل ئاكرێ و بەردەڕەشێ دێ زێدە بن
بەرپرسێ لقێ نەهـ یێ پارتی دیمۆكراتی كوردستان ل ئاكرێ دیار كر، ل سنوورێ لقێ نەهێ پارتی ل ئاكرێ و بەردەڕەش پتری 199 هزار دەنگدەر هەنە و دبێژیت: د ڤێ خولا پەرلەمانی دا حەفت بەربژار ل سنوورێ لقێ مە دێ هەبن.
د. مەردان خدر، بەرپرسێ لقێ نەه یێ پارتی دیمۆكراتی كوردستان ل ئاكرێ بۆ ئەڤرۆ گۆت: «بۆ هەلبژارتنێن بهێن یێن پەرلەمانێ كوردستانێ بەرهەڤیێن تەمام ژ لایێ لقێ نەه ڤە هاتینە كرن و ل سنوورێ لقێ نەه دێ پارتی حەفت بەربژار بۆ خولا بهێت یا پەرلەمانێ كوردستانێ هەبن».
گۆتژی: «مە ل سنوورێ لقێ نەه پتری 199 هزار دەنگدەر هەنە و پتریا وان دەنگدەرێن پارتی نە، بۆ هەلبژارتنێن داهاتی ئەم پێشبینی دكەین دەنگێن پارتی ل سنوورێ مە زێدە ببن».
