گەنجەكێ دی یێ دەڤەرا ئامێدیێ د رێیا ئەورۆپا دا گیانێ خوە ژ دەست دا
ئامێدیێ، مەحمود نهێلی:
گەنجەكێ دی یێ ناوچەداریا دێرەلۆكێ ل سنوورێ دەڤەرداریا ئامێدیێ ب رێیا دەرڤەی وەلاتی گیانێ خوە ژ دەست دا.
كەسوكارێن وی دیار كر، بەری چەند رۆژان ب مەرەما گەشت و گەڕیانێ كوڕێ وان سەرەدانا وەلاتێ توركیا كربوو، لێ ژ نشكێڤە پەیوەندی ب بابێ خوە كریە و گۆتیێ دێ ل گەل هەڤالێن خوە قەستا وەلاتێن ئەورۆپا كەم، ئەڤ گەنجە ئاكنجیێ ناوچەداریا دێرەلۆكێ یە و ناڤێ وی رێكەفت باقی سپێری نێروەیی یە و بەری چەند رۆژان ل گەل هەژمارەكا هەڤالان قەستا دەرڤەی وەلاتی كربوو، ژ بەر دژواریا رێكێ و سڕوسەرمایێ تووشی نەخوشیێ دبیت و ل دارستانێن وەلاتێ بولگاریا گیانێ خوە ژ دەست دا.
دهێتە زانین ئەڤە گەنجێ دویێ یێ دەڤەرا ئامێدیێ یە د ڤێ حەفتیێ دا ب رێیا ئەورۆپا و د ناڤ دارستانێن وەلاتێ بولگاریا دا گیانێ خوە ژ دەست ددەت.
كەسوكارێن وان ژی داخوازێ ژ لایەنێن پەیوەندیدار دكەن، ب هەر رێیەكا هەبیت جەنازێن زاۆكێن وان بو ناڤ كەسوكارێن وان ڤەگەڕینن.
