97% یا دەنگدەران ل دهۆكێ كارتێن خوە یێن بایۆمەتری وەرگرتینە
رێڤەبەرێ ئۆفیسا دهۆكێ یا كۆمسیۆنا بلندا سەربخوە یا هەلبژارتنان ل ئیراقێ دیار كر، پارێزگەها دهۆكێ ل سەر ئاستێ پارێزگەهێن ئیراقێ ل رێزا ئێكێ دهێت د تۆمارا بایۆمەتری یا دەنگدەران دا.
خالد عەباس، رێڤەبەرێ ئۆفیسا دهۆكێ یا كۆمسیۆنا هەلبژارتنان ل ئیراقێ ئاشكرا كر، رێژەیا تۆماركرنا بایۆمەتری یا دەنگدەران ل پارێزگەها دهۆكێ گەهشتیە 76% و ب ڤێ چەندێ ل رێزا ئێكێ ل سەر ئاستێ هەمی پارێزگەهێن ئیراقێ دهێت و گۆت: «ژ وێ رێژەیێ ژی 97% ژ وان كارتێن خوە یێن بایۆمەتری وەرگرتینە».
سەبارەت وان زانیاریێن بەلاڤبووین، كو پارێزگەها دهۆكێ ل رێزا سێیێ ل سەر ئاستێ هەرێما كوردستانێ د نووكرنا تۆمارا دەنگدەران دا دهێت، رێڤەبەرێ ئۆفیسا دهۆكێ یا كۆمسیۆنا هەلبژارتنان گۆت: «ئەو چەندە راست نینە و ئەو رێزبەندیە ب تنێ یا 14 رۆژایە».
