زێدەتری 40 كارمەندێن بەرگریا باژێڕی ل دەوروبەرێن خابووری هاتنە بەلاڤكرن
زاخۆ، دلۆڤان هالۆ:
ژ بۆ پاراستانا گیانێ وەلاتیێن ئیدارەیا سەربخوە یا زاخۆ و گەشتیاران زێدەتری 40 كارمەندێن بەرگریا باژێڕی ل دەوروبەرێن خابوورێ زاخۆ هاتنە بەلاڤكرن.
ڕائید جەمال هەسن، ڕێڤەبەرێ ڕێڤەبەریا بەرگریا باژێڕی ل زاخۆ بۆ ڕۆژناما ئەڤرۆ دیار كر، ب مەرەما پاراستن و سلامەتیا وەلاتیێن ئیدارەیا سەربخوە یا زاخۆ و گەشتیارێن ناڤخوەیی و بیانی، زێدەتری 40 كارمەندێن ڕێڤەبەریا بەرگریا باژێڕی ل زاخۆ ل گەل تیمێن نقوومڤانان ل دەوروبەرێن خابوورێ زاخۆ هاتنە بەلاڤكرن.
ڕێڤەبەرێ بەرگریا باژێڕی ل زاخۆ خویا ژی كر، ئەڤ كارمەندە دێ بەردەوام هاتنوچوونێ ل دەوروبەرێن خابوورێ زاخۆ كەن، ب تایبەت ل وان جهێن بۆ مەلەڤانیكرنێ ب مەترسی و قەدەغەكری، ژ بۆ مەرەما كۆنتڕۆلكرنا هەر ڕوودانەكا چاڤەڕێ نەكری، داكو گیانێ وەلاتی و گەشتیاران ژ خەندقینێ بهێتە پاراستن.
