ب بڕیارا مەسرور بارزانی 100 كەس ل ساخلەمیا دهۆكێ دێ هێنە دامەزراندن
د. ئەفراسیاب موسا، رێڤەبەرێ گشتی یێ ساخلەمیا پارێزگەها دهۆكێ بۆ ئەڤرۆ دیار كر، سەرۆكێ حوكمەتا هەرێما كوردستانێ رازیبوونا خوە دیار كریە بۆ دامەزراندنا 100 كەسان بۆ پشكا نەخۆشخانا تەنگاڤیان ل پارێزگەها دهۆكێ، ل ڤان رۆژان دێ هێنە راگەهاندن دێ دەرچوویی ب رێیا ئونلاین پێشكێش كەن و بۆ نەخۆشخانا تەنگاڤیان ل دهۆكێ دی هێنە دامەزراندن.
ناڤهاتی ئاشكرا ژی كر، ل رۆژا 30/7/2023ێ ب هەماهەنگی ل گەل رێكخراوا UNHCR پشكا چاڤدێرییا چڕ یا پێكهاتی ژ هەشت تەختان ل دهۆكێ هاتە ڤەكرن و دبێژیت: بەردەوام ئەڤ ریكخراوە هەڤكاری و پشتەڤانیا ساخلەمیا دهۆكێ دكەت.
د. ئەفراسیاب گۆت: «پشتی هاتنا ئاوارە و پەنابەران ل سالا 2014ێ بۆ سنوورێ پارێزگەها دهۆكێ، رێكخراوا UNHCR گەلەك هاریكاریا ساخلەمیێ كریە، نەخاسمە ژی ل كەمپێن ئاوارە و پەنابەران بەردەوام خزمەتێن سەرەكی یێن ساخلەمیێ پێشكێشی ئاوارە و پەنابەران دكەت».
گۆتژی: «بەری چەند رۆژان ژی بەری بنیاتی بۆ ئاڤاكرنا بنگەهەكێ ساخلەمیێ ل دومیز هاتە دانان، داكو پتر خزمەتا ئاوارە و پەنابەران و خەلكێ ئاكنجیێ دومیز بهێتە كرن».
