ئەڤرۆ رێورەسمێن جەژنا چلێ هاڤینێ دێ هێنە گێڕان
دهۆك، لەزگین جوقی:
بریكارێ میرێ ئێزدیان بۆ رۆژنامەیا ئەڤرۆ دیار كر، رێورەسمێن جەژنا چلێ هاڤینێ ل پەرستگەها لالش دهێنە گێڕان و هەر كەسەكێ بڤێت، دشێت سەرەدانا لالش بكەت و دبێژیت: هیڤدارین ئەڤ جەژنە ببیتە جەژنا خێر و خوشی و زڤڕینا ئاواران بۆ شنگالێ.
جەهوەر عەلی بەگ، بریكارێ میرێ ئێزدیان ئاشكرا كر، ئەڤرۆ 2/8/2023 رێورەسمێن جەژنا چلێ هاڤینێ ل پەرستگەها لالش دێ هێنە گێڕان و گۆت: «چلەگر ئەو كەسن یێن 40 رۆژێن چلێ هاڤینێ ب رۆژی دبن و هەر ئێزدیەكێ بچتە لالش، دڤێت د سەر پرا سیراتێرا دەربازبیت و بچتە سەر حەودا كانیا سپی و دەست و چاڤێن خوە پێ پاقژ بكەت».
گۆتژی: «هەر كەسەكێ نە یێ مۆركری بیت، ب ئاڤا كانیا سپی دهێتە مۆركرن و قەول و بەیت و قەسیدە دهێنە گۆتن».
