ئاریشەیا پانزینێ د دەمەكێ نێزیك دا دێ هێتە چارەكرن
وەزارەتا سامانێن سروشتی ل حوكمەتا هەرێما كوردستانێ د راگەهاندنەكێ دا دیار دكەت كو د دەمەكێ نێزیك دا ئاریشەیا بهایێ پانزینێ دێ هێتە چارەكرن.
وەزارەتا سامانێن سروشتی د وێ راگەهاندنێ دا، كو ل دۆر كێمی و بهایێ پانزینێ بەلاڤكریە، تێدا هاتیە: «وەزارەتێ د چەند رۆژێن بۆری دا ب رژدی بزاڤێن خوە بۆ چارەكرنا ئاریشەیا كێمیا پانزینێ كرینە، پشتی رێ پێدان ل 30/7/2023 بۆ ئینانا پانزینێ ژ لایێ كۆمپانیان ڤە هاتیەدان، مەهانە 71 ملیۆن لیترێن پانزینێ دێ ئیننە د ناڤ هەرێما كوردستانێ دا و د دەمەكێ گەلەك كێم دا ئاریشەیا كێمیا پانزینێ دێ هێتە چارەكرن».
وەزارەتێ خویا ژی كریە، ژ بەركو حوكمەتا ئیراقێ ل رۆژا 10/7/2023 پشكا پانزینێ یا هەرێما كوردستانێ ناهنێریت، قەیرانا كێمیا پانزینێ دروستبوویە.
